সুৰা পান কৰাৰ পিছত ঘূৰাই দিব লাগিব বটল; কোম্পানীৰ নতুন নিৰ্দেশনা

গুৱাহাটী, ২১ জুনঃ ৰাছিয়া আৰু ইউক্ৰেইনৰ মাজত হোৱা যুদ্ধৰ ফলত বিশ্বৰ যোগান শৃংখলাত যথেষ্ট প্ৰভাৱ পৰিছে। এই যুদ্ধই বহুতো দেশক প্ৰভাৱিত কৰিছে। এনে পৰিস্থিতিত, সকলো দেশে তেওঁলোকৰ দৈনন্দিন প্ৰয়োজনীয়তাৰ বাবেও সংগ্ৰাম কৰি আছে। ইয়াৰ লগতে, গ্লাচৰ অভাৱৰ বাবে জাৰ্মানীয়ে বৰ্তমান বহুতো সমস্যাৰ সন্মুখীন হৈছে। গ্লাচৰ অভাৱৰ ফলত জাৰ্মানীৰ ৰেষ্টুৰেণ্ট আৰু খাদ্য সামগ্রীৰ ব্যৱসায়ত ব্যাঘাত জন্মিছে।

বজাৰ প্ৰভাৱিত হোৱাৰ মুখ্য কাৰণ হৈছে বিশ্বব্যাপী যোগান শৃংখলা। প্ৰয়োজনীয় বস্তুবোৰ মানুহৰ ওচৰলৈ যোৱা নাই। ক'ভিড মহামাৰীৰ প্ৰতিকূল বতৰ, ভূ-ৰাজনৈতিক উত্তেজনা আৰু পুনৰ চাহিদা বৃদ্ধি আদিৰ বাবে বিশ্বব্যাপী যোগান শৃংখলা প্ৰভাৱিত হৈছে।

এই ক্ৰমত, দেখা গৈছে যে জাৰ্মানীত সুৰা আৰু বিয়েৰৰ বটলৰ অভাৱ হৈছে। প্ৰকৃততে ৰাছিয়া-ইউক্ৰেইন যুদ্ধৰ ফলত এই সমস্যাৰ উদ্ভৱ হৈছে। ইউক্ৰেইনে জাৰ্মানীলৈ গ্লাছ যোগান ধৰিছিল। কিন্তু যুদ্ধ আৰম্ভ হোৱাৰ পিছত, তাত বজাৰত এক ডাঙৰ পাৰ্থক্য আহি পৰিছে। 

এতিয়া জাৰ্মান বিয়েৰ নিৰ্মাতাসকলে তেওঁলোকৰ গ্ৰাহকসকলক খালী সুৰাৰ বটল ঘূৰাই দিবলৈ কৈছে। কোম্পানীবোৰে কৈছে যে, "গ্লাচৰ অভাৱৰ বাবে, নতুন বটল উৎপাদন কৰিব পৰা হোৱা নাই। সেইবাবে নতুন বীয়েৰৰ বটল বজাৰত যোগান ধৰিবলৈ সক্ষম হোৱা নাই।"

কেৱল বীয়েৰ বা সুৰা বিক্ৰেতাই গ্লাচৰ অভাৱৰ বাবে অসুবিধাত পৰা নাই, বৰঞ্চ চ'ডা আৰু দৈনন্দিন প্ৰয়োজনীয়তাৰ সকলো কোম্পানীৰ বাবে এই সমস্যা আহি পৰিছে।