ভৰিৰ আঘাতে সূচোৱা শৰীৰৰ কিছুমান নীৰৱ ৰোগ আৰু নিৰাময়ৰ উপায়

গুৱাহাটী, ২৩ জুনঃ ভৰিৰ যতন লোৱাৰ ক্ষেত্ৰত মানুহৰ মনোযোগ প্ৰায়ে কেৱল নখ কটাত সীমাবদ্ধ হৈ থাকে। চিকিৎসকে কয় যে শৰীৰৰ যিকোনো সমস্যা প্ৰথমে মানুহৰ ভৰিক প্ৰভাৱিত কৰে, কিয়নো মানুহৰ ভৰি হৃদযন্ত্ৰ আৰু মেৰুদণ্ডৰ পৰা আটাইতকৈ দূৰত থাকে। সেইকাৰণে ভৰিৰ নিয়মীয়াকৈ যত্ন লোৱা উচিত। ভৰিৰ ছাল বা নখৰ ৰং বা আকৃতিৰ পৰিৱৰ্তনে আগতীয়াকৈ বহুতো গুৰুতৰ ৰোগৰ ইঙ্গিত দিয়ে।

~ ভৰিৰ চুলি সৰা

যদি কাৰোবাৰ ভৰিৰ আঙুলিৰ চুলি হঠাতে সৰিবলৈ আৰম্ভ কৰে, তেনেহ'লে ইয়াক তেজৰ সঞ্চালনত হোৱা সমস্যাৰ লক্ষণ বুলি গণ্য কৰা হয়। পৰ্যাপ্ত ৰক্ত সঞ্চালন অবিহনে, ভৰিৰ চুলি সৰিবলৈ আৰম্ভ কৰে কিয়নো সেইবোৰে পুষ্টি নাপায়। এইটোও এটা লক্ষণ হ'ব পাৰে যে কাৰোবাৰ হৃদযন্ত্ৰই নিয়মীয়াকৈ ভৰিলৈ পৰ্যাপ্ত তেজ যোগান ধৰিব পৰা নাই।

~ মোচোকা খোৱা

যদি কোনোবাই প্ৰায়ে ভৰিত মোচোকা খাই থাকে, তেনেহ'লে ই শৰীৰত ডিহাইড্ৰেচন আৰু শৰীৰত পুষ্টিৰ অভাৱ দেখুৱায়। ইয়াৰ বাবে যদি মানুহে নিয়মীয়াকৈ ব্যায়াম কৰে, অধিক পানী খাব পাৰে তেন্তে এই সমস্যাৰ পৰা সোনকালে পৰিত্ৰাণ পাব। ইয়াৰ বাহিৰেও, প্ৰয়োজন হ'লে চিকিৎসকৰ পৰামৰ্শ ল'ব লাগে, যি আপোনাক সঠিক পৰিমাণৰ পটাছিয়াম, মেগনেছিয়াম আৰু কেলচিয়াম গ্ৰহণ কৰিবলৈ পৰামৰ্শ দিব। 

~ মধুমেহ

ভৰিৰ কিছুমান আঘাত আৰোগ্য হোৱাত সময় লাগে। যদি কাৰোবাৰ এনে হৈছে তেন্তে ই মধুমেহ ৰোগত আক্রান্ত হোৱা সূচায়। তেজত গ্লুকোজৰ অনিয়ন্ত্ৰিত স্তৰে ভৰিলৈকে স্নায়ুবোৰ ক্ষতিগ্ৰস্ত কৰিব পাৰে। সেয়েহে, নিয়মীয়াকৈ ভৰিৰ যত্ন ল'ব লাগে, বিশেষকৈ যেতিয়া কাৰোবাৰ পৰিয়ালত মধুমেহ ৰোগী থাকে, ইয়াৰ বাহিৰেও, এক নিৰাময় নোহোৱা আঘাত ছালৰ কৰ্কট ৰোগৰ লক্ষণ হ'ব পাৰে। এইটো বুঢ়া আঙুলিৰ মাজতো হ'ব পাৰে।

~ হাইপোথাইৰয়ডিজম

কিছু সংখ্যক লোকৰ ভৰি গৰম নহয়। এই সমস্যাটো প্ৰায়ে ৪০ বছৰ বয়সৰ পিছত দেখা যায় আৰু মানুহে ইয়াক বতৰৰ প্ৰভাৱ বুলি বিবেচনা কৰি ইয়াক উপেক্ষা কৰি থাকে। কিন্তু ই হাইপোথাইৰয়ডিজমৰ লক্ষণ হ'ব পাৰে। ইয়াৰ অন্যান্য সমস্যাবোৰ হৈছে; চুলি সৰা, ভাগৰ, হঠাতে ওজন বৃদ্ধি, কোষ্ঠকাঠিন্য আৰু হতাশা। সেয়েহে, ঠাণ্ডা ভৰিৰ অভিযোগ বুজি পোৱাৰ লগে লগে, চিকিৎসকৰ সৈতে যোগাযোগ কৰক কিয়নো কাৰণটো যিমান সোনকালে ধৰা পৰিব, ইয়াৰ পৰা আৰোগ্য লাভ কৰিবলৈ সিমানে কম সময় লাগিব।

~ আৰ্থ্ৰাইটিছ

ইয়াৰ বাহিৰেও, যদি কাৰোবাৰ বুঢ়া আঙুলিটো হঠাতে ফুলি যায় বা ৰঙা হয় বা গাঁঠিবোৰত বিষ হয়, তেনেহ'লে ই আৰ্থ্ৰাইটিছৰ লক্ষণ হ'ব পাৰে। আনহাতে, যদি কাৰোবাৰ গোৰোহাৰ বিষ হয়, ইয়াৰ অৰ্থ হৈছে যে পিন্ধি থকা জোতা অথবা চেণ্ডেলজোৰ সলনি কৰিব লাগে। 

বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়ুৱৈলৈ আগবঢ়োৱা হৈছে। বিশদভাৱে জানিবলৈ বিশেষজ্ঞৰ পৰামৰ্শ ল'ব।