ইউৰিক এচিড নিয়ন্ত্রণৰ লগতে পাথৰৰ চিকিৎসাৰ বাবে অতিকৈ উপকাৰী এবিধ বিশেষ পাত

গুৱাহাটী, ২৯ জুনঃ ইউৰিক এচিড এনে এক ৰোগ যে যদি এবাৰ কাৰোবাৰ হয়, তেন্তে তেওঁৰ পিছলৈ বহুতো সমস্যা হয়। কমসংখ্যক লোকেহে জানে যে শৰীৰত ইউৰিক এচিড বৃদ্ধি হ'লে বৃক্কত পাথৰ হোৱাৰ সম্ভাৱনা থাকে। 

অৱশ্যে, ইয়াৰ বাবে আতংকিত হোৱাৰ কোনো প্ৰয়োজন নাই কিয়নো এনে গুৰুতৰ স্থিতি হোৱাৰ আগতে মানুহে এবিধ বিশেষ পাত খাই ইউৰিক এচিডৰ মাত্রা হ্ৰাস কৰিব পাৰে। এই বিশেষ পাতখিলা হৈছে পাণ। 

এক বিশেষ গৱেষণা অনুসৰি, গৱেষকসকলে যেতিয়া নিগনিৰ ওপৰত গৱেষণা কৰিছিল তেওঁলোকে জানিব পাৰিলে যে পাণে নিগনিৰ ইউৰিক এচিডৰ স্তৰ হ্ৰাস কৰিব পাৰে। মতা বগা নিগনিবোৰক পাণৰ ৰস খাব দিয়া হৈছিল, য'ত দেখা গৈছিল যে সিহঁতৰ ইউৰিক এচিডৰ মাত্রা হ্ৰাস হৈছিল। 

গৱেষণাত আৰু দেখা গৈছে যে যিবোৰ নিগনিক পাণৰ ৰস খাব দিয়া হৈছিল, সিঁহতৰ ইউৰিক এচিডৰ স্তৰ ৮.০৯ মিগ্ৰা/ডিএলৰ পৰা ২.০২ মিগ্ৰা/ডিএললৈ হ্ৰাস পাইছিল। অৰ্থাৎ পাণৰ ৰস মানুহৰ বাবে অতি উপযোগী। 

এখিলা পাণত প্ৰায় ৮৫-৯০ শতাংশ পানী থাকে। অৰ্থাৎ, ইয়াৰ অৰ্থ হৈছে যে পানত আৰ্দ্ৰতাৰ পৰিমাণ অধিক আৰু কেলৰিৰ পৰিমাণ কম। এই পাতবোৰত চৰ্বিৰ পৰিমাণো কম আৰু ইয়াত যথেষ্ট পৰিমাণৰ প্ৰ'টিন আছে। ইয়াৰ উপৰিও, ইয়াত আয়ডিন, পটাছিয়াম, ভিটামিন এ, ভিটামিন বি আদিৰ দৰে অত্যাৱশ্যকীয় পুষ্টি পোৱা যায়।