ৰণবীৰৰ ভাল লাগে আন এগৰাকী অভিনেত্ৰীকহে; নাম শুনিলে বেয়া পাব পাৰে পত্নী আলিয়াই

গুৱাহাটী, ১ জুলাইঃ ৰণবীৰ কাপুৰ আৰু আলিয়া ভাট্ট বলীউড জগতৰ আটাইতকৈ ধুনীয়া দম্পতীসকলৰ মাজৰ এহাল। দুয়োজনে এই বছৰৰ এপ্ৰিলত বিবাহ পাশত আৱদ্ধ হৈছিল। এতিয়া ৰণবীৰ কাপুৰ আৰু আলিয়া ভাট্ট সোনকালেই অভিভাৱক হ'বলৈ গৈ আছে। সোমবাৰে, আলিয়াই ইনষ্টাগ্ৰামৰ জৰিয়তে তেওঁৰ গৰ্ভধাৰণৰ কথা ঘোষণা কৰে।

ইফালে, ৰণবীৰে অলপতে তেওঁৰ নতুনকৈ ভাল লগা অভিনেত্রী এগৰাকীৰ কথা প্ৰকাশ কৰিছে, কিন্তু তেওঁ আলিয়া ভাট্ট নহয় বৰঞ্চ হলিউডৰ চলচ্চিত্ৰ 'স্পাইডাৰ-মেন: নো ৱে হোম' অভিনেত্ৰী জেণ্ডায়া। 

ৰণবীৰ কাপুৰে বৰ্তমান তেওঁৰ আহিবলগীয়া ছবি 'চামছেৰা'ৰ মুক্তিৰ বাবে প্ৰস্তুতি চলাই আছে। এই ছবিখন সঁচাকৈয়ে বিশেষ হ'বলৈ গৈ আছে কিয়নো অভিনেতাজনে ৪ বছৰৰ পিছত ডাঙৰ পৰ্দালৈ উভতি আহিছে।

তেওঁক শেষবাৰৰ বাবে ২০১৮ চনত 'সঞ্জু' বোলছবিখনত দেখা গৈছিল। একে সময়তে, 'চামছেৰা' ২২ জুলাইত মুক্তি পাব। ছবিখনৰ প্ৰচাৰ দ্ৰুতগতিত চলি আছে। 

ইয়াৰ মাজতে শেহতীয়াকৈ ইউটিউব চেনেলত এটা ধেমেলীয়া ভিডিঅ' শ্বেয়াৰ হৈ আছে। ভিডিঅ'টোত, ৰণবীৰ কাপুৰে ২ মিনিটত ২০ টা প্ৰশ্নৰ উত্তৰ দি আছে। য'ত ৰণবীৰক সোধা হৈছে যে, 'ইণ্টাৰনেটত এজন ব্যক্তিৰ নাম কওঁক যাক আপোনাৰ বহুত ভাল লাগে? এই সন্দৰ্ভত, ৰণবীৰে জেণ্ডায়াৰ নাম লৈছিল। 

ভিডিঅ'টোত ৰণবীৰ কাপুৰক আৰু সোধা হৈছে যে, 'কি বস্তুৱে আপোনাক আটাইতকৈ সুখী কৰে?' তাৰ পিছত ৰণবীৰে কয় 'মোৰ পত্নী, মোৰ কুকুৰ, মোৰ পৰিয়াল, শীতল বতাহ, ফুটবলৰ এখন ভাল খেল আৰু এখন ভাল চিনেমা।'