ৰাজেশ খান্নাই দুবাৰকৈ লাভ কৰিছিল বিগ বছৰ প্ৰস্তাৱ, তেওঁৰ এটা দাবীয়ে প্ৰযোজকক কৰিছিল আচৰিত

গুৱাহাটী, ৫ জুলাইঃ ৰাজেশ খান্নাই এখনৰ পিছত এখনকৈ ১৫ খন হিট চিনেমা দৰ্শকক উপহাৰ দিছিল আৰু আজিলৈকে কোনো তাৰকাই এই অভিলেখ ভংগ কৰিবলৈ সক্ষম হোৱা নাই। ৰাজেশ খান্নাৰ দৰে চুপাৰষ্টাৰ চিনেমাউদ্যোগত খুব কম তাৰকা দেখা গৈছে, যিয়ে ১৯৬৯ চনৰ পৰা ১৯৭১ চনলৈ একেৰাহে ১৫ খন হিট চিনেমা কৰিছে। বিশেষকৈ ছোৱালীবোৰ তেওঁৰ অভিনয় চাবলৈ আগ্ৰহেৰে বাট চাই আছিল। 

কিন্তু এটা সময় আহিছিল যেতিয়া অনুৰাগীসকলে তেওঁৰ পৰা আঁতৰি গৈছিল আৰু তেওঁ সম্পূৰ্ণৰূপে কাম পোৱা বন্ধ হৈ পৰিছিল। সেয়া কেৱল চিনেমা অথবা ধনৰ বাবে নহয়, ৰাজেশ খান্নাৰ ষ্টাৰডম সম্পূৰ্ণৰূপে শেষ হৈ গৈছিল। কিন্তু ৰাজেশ খান্না সদায় তেওঁৰ দৃষ্টিত উদ্যোগটোৰ আটাইতকৈ ডাঙৰ তাৰকা আছিল আৰু তেওঁ ষ্টাৰডম ঘূৰাই পাবলৈ যথেষ্ট চেষ্টা কৰিছিল, কিন্তু তেওঁ বিফল হৈছিল।

২০০৯ বৰ্ষৰ কথা, তেওঁ কাম নোপোৱাৰ বাবে অসুবিধাত পৰিছিল আৰু বেছিভাগ সময় তেওঁৰ কাৰ্যালয়ত ভুল কাম কৰি অতিবাহিত কৰিছিল। তেওঁ কেৱল তেওঁৰ বাংলোত শুবলৈহে গৈছিল। তেওঁক এদিন কালাৰ্ছ টিভি চেনেলৰ প্ৰতিনিধিৰ দ্বাৰা সেই সময়ৰ কালাৰ্ছৰ শ্ব' বিগ বছ হষ্ট হ'বলৈ ৰাজেশ খান্নাক প্ৰস্তাৱ দিয়া হৈছিল। ৰাজেশ খান্নাই লগে লগে কৈছিল যে, "আপুনি যি কয় মই কৰিম, কিন্তু মই অমিতাভ বচ্চনে কেবিচিৰ হষ্ট হ'বৰ বাবে লোৱা ধনতকৈ অধিক বিচাৰো।"

এই কথা শুনি প্ৰস্তাৱটো লৈ অহা লোকসকল আচৰিত হৈ পৰিছিল আৰু তেওঁ ৰাজেশ খান্নাক পিছদিনা আহিম বুলি কৈ তাৰ পৰা প্ৰস্থান কৰিছিল। কিন্তু তেওঁলোক পুনৰ ৰাজেশ খান্নাৰ ওচৰলৈ নগ'ল। ঘটনাক্ৰমে, ২০০৯ চনত পুনৰ এই অনুষ্ঠানটো অমিতাভ বচ্চনে পৰিচালনা কৰিছিল।

পিছত আকৌ এবাৰ ৰাজেশ খান্নাক কালাৰ্ছ টিভি চেনেলৰ প্ৰতিযোগী হিচাপে অংশগ্ৰহণ কৰাৰ প্ৰস্তাৱ দিয়া হৈছিল। যাৰ বাবে তেওঁক চাৰে তিনি কোটি টকাৰ প্ৰস্তাৱ দিয়া হৈছিল। ৰাজেশ খান্না আকৌ এবাৰ সন্মত হৈছিল কিন্তু এটা চৰ্তত, ৰাজেশ খান্নাই কৈছিল যে, "বিগ বছৰ ঘৰত তেওঁৰ বাবে সুৰাৰ ব্যৱস্থা কৰিব লাগিব, কিয়নো তেওঁ সুৰাৰ অবিহনে জীয়াই থাকিব নোৱাৰে।"

তেতিয়া নিৰ্মাতাসকলে কৈছিল যে, "এইটো সম্ভৱ নহ'ব।" এনেদৰে, ৰাজেশ খান্না বিগ বছত দুবাৰ কৈ প্ৰস্তাৱ পোৱা স্বত্বেও অনুষ্ঠানটো কৰিব নোৱাৰিলে।