উচ্চতৰ মাধ্যমিকত কলা, বিজ্ঞান আৰু বাণিজ্য শাখাৰ শীৰ্ষস্থানপ্ৰাপ্ত সকলক ইউ.এছ.টি.এম.ৰ সম্বৰ্ধনা জ্ঞাপন

গুৱাহাটী, ৫ জুলাইঃ ইউনিভাৰ্ছিটি অৱ চাইন্স এণ্ড টেকনলজি মেঘালয় চমুকৈ ইউ এছ টি এমে মঙলবাৰে অসম উচ্চতৰ মাধ্যমিক শিক্ষা পৰিষদৰ অধীনত উচ্চতৰ মাধ্যমিক কলা, বিজ্ঞান আৰু বাণিজ্য বিভাগৰ সকলো শীৰ্ষস্থান প্ৰাপ্ত শিক্ষাৰ্থীক তেওঁলোকৰ উৎকৃষ্ট ফলাফলৰ বাবে সম্বৰ্ধনা জনায়। 

এই সম্বৰ্দ্ধনা অনুষ্ঠানত মুঠ ৫৩ গৰাকী শিক্ষাৰ্থীৰ কলা শাখাৰ ২১ গৰাকী, বিজ্ঞানৰ ২০ গৰাকী আৰু বাণিজ্য শাখাৰ ১২ গৰাকী শিক্ষাৰ্থীক অনুষ্ঠানত বিশিষ্ট বিশিষ্ট ব্যক্তিসকলৰ উপস্থিতিত স্মাৰক, প্ৰমাণপত্ৰ আৰু নগদ পুৰস্কাৰ প্ৰদান কৰা হয়।  

এই বঁটা সমূহ মাহবুবুল হক, উপাচাৰ্য অধ্যাপক জিডি শৰ্মা, ড০ আৰ কে শৰ্মা, উপদেষ্টা ড০ বি কে দাস আৰু ইউএছটিএমৰ ডিন পি কিউ এইচ এছইৰ অধ্যাপিকা গায়ত্ৰী গোস্বামীয়ে প্ৰদান কৰে। 

ইপিনে, দৰঙৰ উচ্চতৰ মাধ্যমিকৰ বিজ্ঞান শাখাৰ শীৰ্ষস্থানপ্ৰাপ্ত ধৃতিৰাজ বাস্তাৱ কলিতাক তেওঁৰ উল্লেখনীয় প্ৰদৰ্শনৰ বাবে সম্বৰ্ধনা জনোৱাৰ লগতে ১ লাখ টকা প্ৰদান কৰা হয়।

আনহাতে, এই বঁটা গ্ৰহণ কৰি ধৃতিৰাজ বাস্তাৱ কলিতাই এই সন্মানৰ বাবে ইউ এছ টি এম পৰিয়ালক ধন্যবাদ জ্ঞাপন কৰে।