আইনৰ মেৰপেচত সোমাই পৰিল নৱাজুদ্দিন চিদ্দিকীৰ পত্নী আলিয়া; ৩১ লাখ প্ৰৱঞ্চনাৰ অভিযোগত

গুৱাহাটী, ৭ জুলাইঃ বলীউড অভিনেতা নৱাজুদ্দিন চিদ্দিকীৰ পত্নী আলিয়া চিদ্দিকী বৰ্তমান বাতৰিৰ শিৰোনামত আছে। প্ৰকৃততে, আলিয়াৰ বিৰুদ্ধে প্ৰৱঞ্চনাৰ অভিযোগ উত্থাপিত হৈছে যে তেওঁ তেওঁৰ প্ৰযোজনা প্ৰতিষ্ঠান 'হলি কাউ'ৰ সৃষ্টিশীল আৰু সহ-প্ৰযোজক মঞ্জু গড়ৱালক ৩১ লাখ টকা পৰিশোধ কৰিবলৈ অস্বীকাৰ কৰিছে।

মঞ্জুৱে এই টকাখিনি ছবিখনত বিনিয়োগ কৰিছিল। অৱশ্যে, যেতিয়া আলিয়াক কেইবাবাৰো টকা ঘূৰাই বিচৰাৰ পিছতো তেওঁ সঁহাৰি দিয়া নাছিল, তেতিয়া মঞ্জুৱে অভিনেতা গৰাকীৰ পত্নীৰ বিৰুদ্ধে আৰক্ষীত ওচৰত অভিযোগ দাখিল কৰিছে। মঞ্জুৱে আলিয়া চিদ্দিকীক ধনৰ প্ৰৱঞ্চনাৰ উপৰিও মানসিকভাৱে হাৰাশাস্তি কৰাৰ অভিযোগ উত্থাপন কৰিছে।

মঞ্জু গড়ৱালে এই সন্দৰ্ভত কৈছে যে, "মই আৰু আলিয়া ২০০৫ চনৰ পৰা বন্ধু। তেওঁ সদায় প্ৰযোজক হ'ব বিচাৰিছিল। আলিয়াই কৈছিল যে মই বিত্তৰ কামৰ চোৱাচিতা কৰোঁ আৰু আপুনি সৃষ্টিশীল কামৰ দায়িত্ব লওক।  তেওঁ দিয়া চেকখন বাউন্চ হৈছিল। মোৰ দেউতাইও আলিয়াৰ নিৰ্দেশত এই প্ৰকল্পটোত ধন বিনিয়োগ কৰিছিল।"

মঞ্জুৱে আৰু কৈছে যে, "আলিয়াই জানিছিল যে মোৰ দেউতাই তেওঁৰ উজ্জয়িনী ঘৰটো বিক্ৰী কৰি আছে আৰু তেওঁ ঘৰটো বিক্ৰী কৰাৰ পৰা পোৱা টকাখিনি ধাৰ লৈছিল। আলিয়াই কৈছিল যে তেওঁ ১ মাহতে মোক টকাখিনি ঘূৰাই দিব, কিন্তু এতিয়ালৈকে তেওঁ এনে কৰা নাই। আলিয়াই পিছত প্ৰযোজনা গৃহ 'হলি কাউ'ত মোৰ দেউতাৰ কৃতিত্ব দিবলৈ অস্বীকাৰ কৰিছিল।"

বাতৰি অনুসৰি, মঞ্জু গড়ৱালৰ এখন হাৰ্ড ডিস্ক আছিল, য'ত হলি কাউৰ কিছুমান অতি গুৰুত্বপূৰ্ণ তথ্য আছিল। ইয়াক ঘূৰাই পাবলৈ আলিয়া আৰু মঞ্জুৰ মাজত যথেষ্ট বিতৰ্ক হৈছিল আৰু আলিয়াই তেওঁলোকক ২২ লাখ টকা দি সেই হাৰ্ড ডিস্কখন লৈছিল।

অৱশ্যে, তেওঁ বাকী টকা মঞ্জুক দিয়া নাছিল। মঞ্জুৱে কৈছিল যে, "আলিয়াই প্ৰায় ৩১ লাখ টকা ঘূৰাই দিব বাকী আছে। মঞ্জুৱে ফেডাৰেচন অফ ৱেষ্টাৰ্ণ ইণ্ডিয়া চিনে এমপ্লয়িজত (এফ ডব্লিউ আই চি ই) আলিয়াৰ বিৰুদ্ধে এটা অভিযোগ দাখিল কৰিছে।