ভগৱন্ত মান আৰু ডঃ গুৰপ্ৰীত কৌৰৰ বিবাহ অৱশেষত সমাপ্ত,টুইটাৰত শুভেচ্ছা জনালে কেজৰিৱালে

গুৱাহাটী,৭ জুলাই:ভগৱন্ত মান আৰু ডঃ গুৰপ্ৰীত কৌৰৰ বিবাহ অৱশেষত সমাপ্ত হৈছে। দুপৰীয়া প্ৰায় ১২ বজাত,দুয়ো বিবাহপাশত আৱদ্ধ হয়। দিল্লীৰ মুখ্যমন্ত্ৰী কেজৰিৱাল তেওঁৰ পৰিয়ালৰ সৈতে বিয়াখনত উপস্থিত হ'বলৈ আহিছিল। তেওঁ বিয়াত তেওঁৰ দেউতাকৰ ৰীতি-নীতি পালন কৰিছিল। সীমিত অতিথিসকলক বিয়ালৈ আমন্ত্ৰণ জনোৱা হৈছিল,বিবাহ অনুষ্ঠানটো মুখ্যমন্ত্ৰীৰ বাসগৃহতে কৰা হৈছিল।

৩২ বছৰীয়া গুৰপ্ৰীত কৌৰ ভগৱন্ত মানতকৈ ১৬ বছৰ সৰু । দুয়োপ্ৰায় চাৰি বছৰ আগতে লগ পাইছিল। এয়া ভগৱন্ত মানৰ দ্বিতীয় বিবাহ। তেওঁ ২০১৫ চনত তেওঁৰ প্ৰথম পত্নীক বিবাহ বিচ্ছেদ দিছিল। তেওঁ টুইটাৰত দুয়োকে শুভেচ্ছা জ্ঞাপন কৰি কয়,"ভগৱন্ত মান আৰু গুৰপ্ৰীত বৌক বিবাহৰ শুভেচ্ছা যাচিছোঁ।ঈশ্বৰে আপোনালোক দুয়োকে অতি সুখী কৰক আৰু পৃথিৱীৰ সকলো প্ৰদান কৰক।"