পেটত বিষ হোৱাত এগৰাকী ব্যক্তিয়ে কৰিলে অস্ত্ৰোপচাৰৰ, পেটৰ পৰা ওলাল ২৩৩ বিধ বস্তু

গুৱাহাটী, ৬ জুলাইঃ বহুসময়ত, কিছুমান বস্তু মানৱ শৰীৰৰ ভিতৰলৈ যায়, যিবোৰ মানুহে অনুভৱ নকৰে। পিছত লাহে লাহে, যেতিয়া বিভিন্ন সমস্যাই আগুৰি ধৰে, তেতিয়া বাস্তৱ কথাটো জনা যায়, তেতিয়া চিকিৎসকৰ পৰা ৰোগীলৈকে সকলোৱে আচৰিত হয়।

থিক তেনেদৰে, তুৰস্কৰ ইপেকিওলুত বাস কৰা বুৰহান ডেমিৰৰ এজন লোকৰ সৈতেও একেই ঘটনা ঘটিছিল। পেটৰ তীব্ৰ বিষৰ বাবে তেওঁৰ অস্ত্ৰোপচাৰ কৰা হৈছিল। অস্ত্ৰোপচাৰৰ পিছত, তেওঁৰ পেটৰ ভিতৰৰ পৰা ওলাই অহা বস্তুবোৰ বৰ্তমান এক চৰ্চাৰ বিষয় হৈ পৰিছে। 

প্ৰতিবেদন অনুসৰি, বুৰহান ডেমিৰৰ ৩৫ বছৰীয়া সৰু ভায়েকজনে কিছু সময় আগতে পেটৰ বিষৰ অভিযোগ কৰিছিল। প্ৰথমে তেওঁৰ এই বিষ স্বাভাৱিক হৈ আছিল। কেইদিনমানৰ বাবে তেওঁ ঔষধ গ্ৰহণ কৰিছিল, কিন্তু যেতিয়া বিষৰ সমস্যাটো শেষ হোৱা নাছিল, তেওঁ তেওঁৰ সৰু ভায়েকক চিকিৎসালয়লৈ লৈ গৈছিল।

তাত, যেতিয়া চিকিৎসকসকলে আল্ট্ৰাচাউণ্ড আৰু এক্স-ৰে স্কেনৰ সৈতে এণ্ডোস্কোপী কৰিছিল, তাৰ পিছত তেওঁলোকে পৰীক্ষাৰ ফলাফল দেখি আচৰিত হৈ পৰিছিল। প্ৰকৃততে, সেই ৩৫ বছৰীয়া ব্যক্তিৰজনৰ পেটত ২৩৩ বিধ সৰু-ডাঙৰ বস্তু আছিল।

ভুক্তভোগীৰ পেটৰ ভিতৰত লোৰ মুদ্ৰা, বেটাৰি, চুম্বক, নখ, কাঁচৰ টুকুৰা, শিল আৰু স্ক্ৰু আদি সোমাই আছিল। চিকিৎসকসকলে পিছত অস্ত্ৰোপচাৰৰ সিদ্ধান্ত লৈছিল আৰু অস্ত্ৰোপচাৰৰ পিছত পেটৰ ভিতৰৰ পৰা এই সকলোবোৰ বস্তু ওলাই দিয়া হৈছিল।

শল্য চিকিৎসক ডাঃ বিনিচিয়ে সন্দৰ্ভত কৈছে যে, "অস্ত্ৰোপচাৰৰ সময়ত, আমি দেখিছিলো যে পেটৰ বেৰৰ মাজেৰে এটা বা দুটা নখ পাৰ হৈ গৈ আছিল। ইয়াৰ উপৰিও, বৃহদান্ত্ৰত দুটা ধাতুৰ টুকুৰা আৰু বিভিন্ন আকাৰৰ দুটা শিলও আছিল। ইয়াৰ উপৰিও, পেটত বেটাৰি, চুম্বক, নখ, মুদ্ৰা, গ্লাচৰ টুকুৰা আৰু স্ক্ৰু আছিল। আমি এটা এটাকৈ পেটৰ ভিতৰৰ পৰা সকলো বস্তু ওলাই পেলাইছিলো।

চিকিৎসকসকলে লগতে কয় যে, "এই ধৰণৰ সমস্যা সাধাৰণতে প্ৰাপ্তবয়স্কসকলৰ ক্ষেত্ৰত খুব কমকৈ দেখা যায়। শৈশৱতে, শিশুৱে দুৰ্ঘটনাক্ৰমে এই সকলোবোৰ বস্তু অজ্ঞাতে গিলি পেলায়। এনে সমস্যা প্ৰাপ্তবয়স্ক বয়সৰ মানসিক ৰোগী, বন্দী বা উৎপীড়নৰ ক্ষেত্ৰত পোৱা যায়।

যদিও এই ঘটনা কেতিয়া সংঘটিত হৈছিল সেয়া এতিয়াও স্পষ্ট হোৱা নাই, কিন্তু ১৫ জুনত স্থানীয় সংবাদ মাধ্যমত এই বাতৰি প্ৰকাশ পাইছিল। একে সময়তে, ভুক্তভোগীৰ ভায়েক বুৰহানে কয়, 'চিকিৎসকসকলক তেওঁলোকৰ সমৰ্থনৰ বাবে মই ধন্যবাদ জনাইছো।'