চৰকাৰৰ দূৰদৰ্শী সিদ্ধান্ত আছিল ছাত্ৰ-ছাত্ৰীক কম্পিউটাৰ দিয়াটো,আনিছিল এক ডাঙৰ ৰিভ’লিউশ্বনৰ

গুৱাহাটী,৬ জুলাই:জনতা ভৱনত মঙলবাৰে মুখ্যমন্ত্ৰী হিমন্ত বিশ্ব শৰ্মাৰ সভাপতিত্বত অনুষ্ঠিত কেবিনেট বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয় । সাপ্তাহিক কেবিনেটত গ্ৰহণ কৰা সিদ্ধান্তসমূহ বৈঠকৰ অন্তত সংবাদমেলযোগে অৱগত কৰে মন্ত্ৰী জয়ন্ত মল্ল বৰুৱা, ডাঃ ৰণোজ পেগু আৰু কেশৱ মহন্তই ।মুখ্যমন্ত্ৰী ড৹ হিমন্ত বিশ্ব শৰ্মাৰ অধ্যক্ষতাত অনুষ্ঠিত কেবিনেট বৈঠকত শিক্ষা বিভাগক লৈ কেইবাটাও গুৰুত্বপূৰ্ণ সিদ্ধান্ত লোৱা হয়। 

ইয়াৰ ভিতৰত পূৰ্বৰ পৰা চলি অহা আনন্দৰাম বৰুৱা বঁটাত লেপটপ প্ৰদান নকৰাৰ সিদ্ধান্ত গ্ৰহণ কৰা হৈছে । মেট্ৰিক পৰীক্ষাত প্ৰথম বিভাগত উত্তীৰ্ণ শিক্ষাৰ্থীসকলক লেপটপৰ পৰিৱৰ্তে নগদ ১৬ হাজাৰ টকাকৈ দিয়াৰ সিদ্ধান্ত লোৱা হয় কেবিনেটত । ইয়াৰ লগে লগে অন্ত পৰিল এক সোণালী যুগৰ । মেট্ৰিকত ভাল ফলাফল দেখুওৱা ছাত্ৰ-ছাত্ৰীক কম্পিউটাৰ দিয়াটো এটা দূৰদৰ্শী সিদ্ধান্ত আছিল৷ গম নোপোৱাকৈয়ে যোৱা দহ-পোন্ধৰ বছৰত শিক্ষাখণ্ডত এটা ৰিভ’লিউশ্বন আনিছিল এই সিদ্ধান্তই ।

মফচলীয়া মধ্যবিত্তৰ কাৰণে কম্পিউটাৰ আজি সহজলভ্য হ’লেও অধিকাংশ ছাত্ৰ-ছাত্ৰীৰ কাৰণে লেপটপ বেলেগ কথা স্মাৰ্টফোন এটাৰো সুবিধা নাই ৷ তেনে স্থলত মাত্ৰ ১৬০০০ টকা দিয়া সিদ্ধান্তই কিধৰণে ছাত্ৰ ছাত্ৰীক সহায় কৰিব সেয়া পিছলৈহে গম পোৱা যাব ।