চুপ আৰু চালাড খোৱাৰ সময়ত অৱলম্বন কৰিব লগা সাৱধানতা সমূহ

গুৱাহাটী, ৫ আগষ্টঃ স্বাস্থ্যৱান হৈ থাকিবলৈ আৰু কলেষ্টেৰল স্তৰ হ্ৰাস কৰাৰ লগতে হজম শক্তি উন্নত কৰিবলৈ প্ৰায়ে চালাড আৰু চুপ খাবলৈ পছন্দ কৰে। এনে পৰিস্থিতিত, যিসকলে তেওঁলোকৰ বৰ্ধিত ওজন হ্ৰাস কৰিবলৈ চেষ্টা কৰি আছে, তেওঁলোকে প্ৰায়ে চুপ বা চালাড সেৱন কৰে, যাতে সুস্বাস্থ্য অক্ষুণ্ণ থাকে।

ইয়াত কোনো সন্দেহ নাই যে এনেবোৰ খাদ্যই শৰীৰৰ বাবে লাভজনক বুলি প্ৰমাণিত হ'ব পাৰে, কিন্তু যদি ইয়াক খোৱাৰ ক্ষেত্ৰত কিছুমান বস্তুৰ যত্ন নলয়, তেন্তে লাভৰ পৰিৱৰ্তে লোকচানহে হ'ব পাৰে। 

খাদ্য বিশেষজ্ঞৰ মতে চালাড আৰু চুপ খোৱাৰ সময়ত কিছুমান সাৱধানতা অৱলম্বন কৰাটো নিত্যান্তই প্ৰয়োজনীয়।

~ কেতিয়াও সম্পূর্ণ আহাৰ হিচাপে চালাড আৰু চুপ নাখাব

পুৱাৰ আহাৰ, দুপৰীয়াৰ আহাৰ বা ৰাতিৰ আহাৰ হিচাপে চালাড আৰু চুপ খাব পাৰে, কিন্তু সকলোৱে জনাটো উচিত যে ই সন্তুলিত আহাৰ নহয়, সেয়েহে ইয়াক সম্পূৰ্ণ আহাৰ হিচাপে চুপ অথবা চালাড খাব নালাগে, বৰঞ্চ ইয়াক লঘু আহাৰ হিচাপে খাওক। কিয়নো চালাড অথবা চুপ কেতিয়াও ৰুটি, মচুৰ দাইল, চাউল আৰু পাচলিৰ বিকল্প হ'ব নোৱাৰে। সেয়েহে সুস্থ আহাৰৰ বাবে সম্পূৰ্ণ আহাৰ গ্ৰহণ কৰাটো ভাল।

~ চুপত অলাগতিয়াল খাদ্যবস্তু অন্তর্ভুক্ত নকৰিব

সকলোৱে সাৱধান হোৱাটো উচিত যে, চুপত চেনী, মাখনৰ দৰে বস্তু যাতে মিহলি কৰি নাখায়, অন্যথা চৰ্বি বৃদ্ধি হ'ব পাৰে। অৱশ্যে, ইয়াৰ পৰিৱৰ্তে।সেউজীয়া পাচলি, বীন, কণীৰ বগা অংশ আদি অন্তৰ্ভুক্ত কৰি খাব পাৰে। লগতে চালাডত নেমুৰ ৰস অলপ চেপি ল'লে পুষ্টি পোৱাৰ লগতে ওজনো নিয়ন্ত্রণ থাকিব।

* ওজন হ্ৰাস কৰাত চুপ আৰু চালাড কাৰ্যকৰী

যদি কোনোবাই দ্ৰুতগতিত ওজন হ্ৰাস কৰিব বিচাৰে তেওঁলোকে দৈনিক লঘু আহাৰ হিচাপে চুপ আৰু চালাড খাব পাৰে। স্বাস্থ্যকৰ চুপ আৰু পৰামৰ্শ হৈছে ওজন হ্ৰাস কৰাৰ এক উৎকৃষ্ট উপায়, কিয়নো ইয়াত কেলৰিৰ পৰিমাণ কম থাকে।