কেণ্ডি খাই বছৰি উপাৰ্জন কৰক ৬১ লাখ টকা, কোম্পানীয়ে বিচাৰি আছে চিফ কেণ্ডি বিষয়া

গুৱাহাটী, ৪ আগষ্টঃ শিশুকালত সকলোৱে নিশ্চয় কেণ্ডি খাবলৈ খুব ভাল পাইছিল। অৱশ্যে ডাঙৰ হোৱাৰ পাছতো সৰহসংখ্যক মানুহে কেণ্ডি খোৱাৰ অভ্যাস এৰি নিদিয়ে। ইয়াৰ মাজতে এনেকুৱা এটা কোম্পানী আছে যিয়ে কেণ্ডি খোৱাৰ বিনিময়ত বৃহৎ পৰিমাণৰ ধনৰাশি দি আছে। এয়া শুনিবলৈ আচৰিত যেন লাগিলেও ই একেবাৰে সত্য।

কেণ্ডি উৎপাদন কৰা এটা কোম্পানীয়ে এটা বিশেষ পদত নিযুক্তি দিবলৈ আগবঢ়ি আহিছে। কেণ্ডি প্ৰেমীসকলে নিশ্চয়ই এই চাকৰি নকৰো বুলি ক'ব নোৱাৰিব আৰু কেণ্ডি ফানহাউছে আগবঢ়োৱা চাকৰিৰ সুযোগ হেৰুৱাব নিবিচাৰিব। এই কোম্পানীটো হৈছে চকলেট বাৰ বনোৱাৰ পৰা লিকাৰলৈকে বহুটো কেণ্ডী বনোৱাৰ এটা অনলাইন ৰিটেইলাৰ।

কানাডিয়ান কোম্পানীটোৱে ১০০,০০০ ডলাৰ কানাডিয়ান ডলাৰ (প্ৰায় ৬১.১৪ লাখ টকা) দৰমহাৰ সৈতে এজন মুখ্য কেণ্ডি বিষয়া নিয়োগ কৰিব বিচাৰিছে। কেৱল এয়াই নহয়, এই কামটো মানুহজনে ঘৰত বহি কৰিব পাৰিব। এইটো পঢ়াৰ পিছত সকলোৱে কিয় চিন্তিত হৈ পৰিছিল। কিয়নো, ঘৰত বহি থকা কেণ্ডি খাই পৰীক্ষা কৰিলে আৰু তাৰ বিনিময়ত কেনেকৈ ইমান ধনৰাশি উপাৰ্জন কৰিব পাৰিব।

চলিত বৰ্ষৰ জুলাইত লিংকডইনত পোষ্ট কৰা পোষ্টটোত কোৱা হৈছে যে, "এই কামত মুখ্য কেণ্ডি বোৰ্ড মিটিং, মুখ্য সোৱাদ পৰীক্ষক আদিৰ দৰে আমোদজনক কাম অন্তৰ্ভুক্ত থাকিব। ইয়াৰ উপৰিও, এই স্থানটো অভিভাৱকৰ অনুমতিত পাঁচ বছৰৰ অধিক বয়সৰ আৱেদনকাৰীসকলৰ বাবে মুকলি হ'ব।"

ইপিনে, অভূতপূৰ্ব সঁহাৰিৰ বিষয়ে মুখ্য কাৰ্যবাহী বিষয়া জামিল হেজাজীয়ে কয় যে, "আমি কিছুমান অপ্ৰত্যাশিত আবেদনও লাভ কৰিছো। বহুতো আগ্ৰহী পৰিয়ালে দৰমহা আৰু কাম ভাগ বতৰা কৰাৰ ভিডিঅ' আবেদনত পাইছিলো। জামিলে আৰু কৈছে যে, ছ'চিয়েল মিডিয়াই দাবী কৰিছে যে এজন মুখ্য কেণ্ডি বিষয়াই প্ৰতি মাহে ৩,৫০০ টুকুৰা কেণ্ডি খাব লাগিব, যিটো সম্পূৰ্ণ মিছা। ইয়াৰ বাবে এদিনত কেৱল ১১৭ টা কেণ্ডীৰ অংশ খাই পৰীক্ষা কৰিব লাগিব, সেয়াও যথেষ্ট। 

ইপিনে, চাকৰিৰ প্ৰস্তাৱটোৱে সামাজিক মাধ্যমত যথেষ্ট আলোড়নৰ সৃষ্টি কৰিছে। প্ৰাপ্তবয়স্কসকলৰ উপৰিও, শিশুৱেও এই পদৰ বাবে আবেদন কৰিছে। বহুতো অভিভাৱকে তেওঁলোকৰ সন্তানক আৱেদন পূৰণ কৰাৰ দৃশ্যগ্ৰহণ কৰিছে আৰু অনলাইনত ভিডিঅ' পোষ্ট কৰিছে। টৰণ্টো স্থিত কোম্পানীটোৰ ইনষ্টাগ্ৰামত প্ৰায় ৩,৪০,০০০ আৰু টিকটকত তিনি নিযুত অনুসৰণকাৰী আছে।