গাঞ্জাৰে দেশক অৰ্থনৈতিক সংকটৰ পৰা উদ্ধাৰ কৰাৰ প্ৰতিশ্ৰুতি ৰাষ্ট্ৰপতি পদৰ প্ৰাৰ্থীৰ

গুৱাহাটী, ৮ আগষ্টঃ নিৰ্বাচন গণতন্ত্ৰৰ এক গুৰুত্বপূৰ্ণ অংশ। ইয়াৰ সহায়ত জনসাধাৰণে বিবেক ভোট দি তেওঁলোকৰ নেতা বাছনি কৰিব পাৰে। কোনোবা দেশত ৰাষ্ট্ৰপতি প্ৰত্যক্ষভাৱে নিৰ্বাচিত হয় আৰু কোনোবা দেশত প্ৰধানমন্ত্ৰী হয়, কিন্তু তেওঁলোকৰ কাম হৈছে জনসাধাৰণক প্ৰতিনিধিত্ব কৰা। ইয়াৰ মাজতে কেনিয়াত ৰাষ্ট্ৰপতি নিৰ্বাচন আলোচনাৰ বিষয় হৈ পৰিছে।

৯ আগষ্ট ২০২২ তাৰিখে, অৰ্থাৎ মঙলবাৰে অনুষ্ঠিত হ'ব লগা নিৰ্বাচনত বহুতো প্ৰাৰ্থী আছে, কিন্তু দুজন মুখ্য প্ৰাৰ্থীৰ বাহিৰে, তৃতীয়জন প্ৰাৰ্থীৰ প্ৰতিশ্ৰুতিয়ে শিৰোনাম দখল কৰিছে। প্ৰকৃততে, এই প্ৰাৰ্থীজনে গাঞ্জা আৰু দেশৰ অৰ্থনৈতিক সমস্যা আঁতৰোৱাৰ দাবী কৰিছে।

৯ আগষ্টত পূব আফ্ৰিকাৰ অন্যতম ধনী দেশ কেনিয়াত অনুষ্ঠিত হ'বলগীয়া ৰাষ্ট্ৰপতি নিৰ্বাচনত বিৰোধী নেতা ৰাইলা ওডিঙ্গা আৰু উপ ৰাষ্ট্ৰপতি উইলিয়াম ৰুটোৰ মাজত এক কঠিন প্ৰতিযোগিতাৰ হৈ আছে।

অৱশ্যে, ৰেগে অনুৰাগী জৰ্জ ভাজকয়ৱাই বিশেষ প্ৰাৰ্থীৰূপে প্ৰৱেশ কৰি জনসাধাৰণৰ মাজত যথেষ্ট জনপ্ৰিয় হৈ পৰিছে। তেওঁ লোকসকলক তেওঁৰ "গাঞ্জা সমাধান"ৰ দ্বাৰা দেশৰ ঋণ সমাপ্ত কৰিবলৈ কৈছে।

ভাজকয়ৱাই যুৱ ভোটাৰসকলক অধিক গুৰুত্ব দিছে। যুৱ ভোটাৰসকলেও ভাজকয়াৱাৰ দ্বাৰা প্ৰভাৱিত হৈছে। বহুতে কয় যে, "পুৰণি আৰু পৰম্পৰাগত নেতাসকলে দেশত দুৰ্নীতি, মুদ্ৰাস্ফীতি আৰু নিবনুৱাৰ মোকাবিলা কৰাত ব্যৰ্থ হৈছে। এনে পৰিস্থিতিত, আমি ভাজকয়ৱাৰ নিৰ্বাচনী প্ৰতিশ্ৰুতিবোৰ শুনি ভাল পাইছো। তেওঁ আন নেতাসকলৰ পৰা বেলেগ ধৰণে চিন্তা কৰি আছে।"

ইপিনে, নিৰ্বাচনী প্ৰচাৰৰ সময়ত ভাজকয়ৱাই চীনত গাঞ্জাৰ চিকিৎসা উদ্যোগ স্থাপন কৰি কেনিয়াৰ ৭০ বিলিয়ন ডলাৰৰ ঋণ সমাপ্ত কৰাৰ কথা ৰাইজৰ আগত ঘোষণা কৰিছে। তেওঁ কয় যে এয়া যথেষ্ট কাৰ্যকৰী হ'ব পাৰে। মই এটা নতুন জনজাতি সৃষ্টি কৰিছোঁ, যাক গাঞ্জা জনজাতি বুলি জনা যাব।"