সন্তানৰ মগজু তীক্ষ্ণ হোৱাৰ লগতে শক্তিশালী হ'বলৈ আহাৰত অন্তৰ্ভুক্ত কৰিব লগা খাদ্যবস্তুবোৰ

গুৱাহাটী, ১৩ আগষ্টঃ এই পৃথিৱীত প্ৰত্যক অভিভাৱকে নিজৰ সন্তানটিৰ মগজু তীক্ষ্ণ হোৱাৰ লগতে প্ৰতিভাশালী হোৱাটো বিচাৰে। ইয়াৰ লগতে সকলোৱে নিজৰ সন্তানটিক শাৰীৰিকভাৱে শক্তিশালী হোৱাটো কামনা কৰে। যিকোনো প্ৰতিযোগিতাত, নিজৰ সন্তানটি যাতে আনতকৈ আগবাঢ়ি থাকে সেয়া সকলো অভিভাৱকে বিচাৰে। এই সকলোবোৰ তেতিয়াহে সম্ভৱ হ'ব, যেতিয়া অভিভাৱকসকলে নিজৰ সন্তানক অত্যাৱশ্যকীয় পুষ্টি আৰু প্ৰ'টিনসমৃদ্ধ খাদ্যবস্তু আহাৰত অন্তর্ভুক্ত কৰিব।

শিশুৰ উন্নত স্বাস্থ্যৰ বাবে ভাল খাদ্য আৰু পানীয়ৰ অতিকৈ প্ৰয়োজন, কিয়নো স্বাস্থ্যৱান মনে স্বাস্থ্যৱান শৰীৰ গঢ়িব পাৰে। বহুতো চিকিৎসকে পৰামৰ্শ দিয়ে যে শিশুসকলক মানসিকভাৱে তীক্ষ্ণ আৰু শক্তিশালী কৰিবলৈ বুষ্টাৰ খাদ্য খুৱাব লাগে। সেয়েহে, অভিভাৱকসকলে সন্তানক কি খুৱালে ভাল হয় জানি থোৱাটো উচিত। 

• শিশুৰ আহাৰত অন্তর্ভুক্ত কৰিব লগা খাদ্যবস্তু বোৰঃ

~ সেউজীয়া পাচলি

সন্তানক প্ৰতিভাশালী কৰিবলৈ, তেওঁলোকৰ দৈনন্দিন খাদ্যৰ ৰুটিনত সেউজীয়া পাচলি অন্তৰ্ভুক্ত কৰিব। উদাহৰণ স্বৰূপে, পালেং শাক, তিয়ঁহ, ৰঙালাও, ৰঙালাও, বিভিন্ন সেউজীয়া শাক, ব্ৰকলি, পুদিনা, গাজৰ আৰু মটৰ ইত্যাদি।

~ কমলা টেঙা

সন্তানৰ আহাৰত কমলাও অন্তর্ভুক্ত কৰিব পাৰে, কিয়নো কমলাত ভিটামিন চি প্ৰচুৰ পৰিমাণে পোৱা যায়। লগতে, কমলাত এনে গুণাগুণ থাকে যি মুক্ত ৰেডিকেল ধ্বংস কৰে লগতে মগজু তীক্ষ্ণ কৰে আৰু শিশুক গোটেই দিনটোৰ বাব শক্তি প্ৰদান কৰে।

~ শস্যজাতীয় আহাৰ

শস্য হৈছে খাদ্যৰ আটাইতকৈ ডাঙৰ উৎস। শস্যজাতীয় আহাৰৰ বিভিন্ন প্ৰকাৰৰ ব্যঞ্জন তৈয়াৰ কৰা হয়, যাক সকলোৱে আনন্দেৰে খাওঁ। শিশুৰ আহাৰত সম্পূৰ্ণ শস্য অন্তৰ্ভুক্ত কৰাটো অতি উপকাৰী। ই শিশুসকলৰ মনক একেৰাহে শক্তি প্ৰদান কৰে। ইয়াৰ লগতে, ই ৰক্ত নলীবোৰত লাহে লাহে গ্লুকোজ মুকলি কৰি থাকে।

~ আখৰোট আৰু কাঠবাদাম

তাৎপৰ্যপূৰ্ণভাৱে, আখৰোট আৰু কাঠবাদামৰ দৰে শুকান ফলবোৰে মস্তিষ্কৰ শক্তি বৃদ্ধি কৰে। ইয়াৰ উপৰিও, ইয়াক খোৱাৰ ফলত মগজুৰ ক্ষতি কৰা কোষবোৰৰ সৈতে যুঁজ দিয়ে আৰু মস্তিষ্কৰ স্বাস্থ্য উন্নত কৰে।

বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়ুৱৈলৈ আগবঢ়োৱা হৈছে। বিশদভাৱে জানিবলৈ বিশেষজ্ঞৰ পৰামৰ্শ ল'ব।