বংকিম চন্দ্ৰ চট্টোপাধ্যায়ৰ ৰাজনৈতিক উপন্যাস ‘আনন্দমথ’ক এতিয়া দেখা পোৱা যাব ডাঙৰ পৰ্দাত

গুৱাহাটী,১৮ আগষ্ট:বন্দে মাতৰমৰ ১৫০ বছৰ উপলক্ষে বংকিম চন্দ্ৰ চট্টোপাধ্যায়ৰ ৰাজনৈতিক উপন্যাস ‘আনন্দমথ’ এতিয়া ডাঙৰ পৰ্দাত দেখা পোৱা যাব । ছবিখনৰ নিৰ্মাতাসকলে যোৱা এপ্ৰিল মাহত এই ছবিখনৰ কথা ঘোষণা কৰিছিল। ১৭৭৩ চনত উত্তৰ বংগৰ মঠ-মন্দিৰ আন্দোলনৰ আধাৰত বংকিমচন্দ্ৰ চট্টোপাধ্যায়ে ‘আনন্দমথ’ ৰচনা কৰিছিল। ১৮৮২ চনত প্ৰকাশিত এই ৰাজনৈতিক উপন্যাসখনৰ ভাৰতৰ স্বাধীনতা সংগ্ৰামত এক বিশেষ ভূমিকা আছে। সেই বছৰতে ‘আনন্দমথ’ প্ৰথমবাৰৰ বাবে বঙ্গদৰ্শন কাকতত প্ৰকাশ পাইছিল। পৰিচালক অশ্বিন গংগাৰাজুৱে ডাঙৰ পৰ্দালৈ আনিছে সেই ‘আনন্দমথ’ক । ছবিখনৰ নাম ১৯৭০ চন। ৬ টা ভাৰতীয় ভাষা হিন্দী, তামিল, তেলেগু, কানাড়া, মালয়ালম আৰু বাংলাত নিৰ্মাণ কৰা হ’ব এই ছবিখন। বজৰংগী ভাইজান, বাহুবলী, ট্ৰিপল আদি ছবিৰ চিত্ৰনাট্য ৰচনা কৰা ৰাম কমল মুখাৰ্জীৰ হ'ব এই চলচ্চিত্ৰৰ কনচেপ্ট ।

বুধবাৰে এই ছবিখনৰ প্ৰথম পোষ্টাৰ আৰু প্ৰথম ভিডিঅ’ টিজাৰ ওলাল। পোষ্টাৰখনত দেখা গৈছে এজন যোদ্ধাই হাতত ৰুদ্ৰাক্ষ মালা লৈ তৰোৱাল লৈ ব্ৰিটিছৰ ফালে দৌৰি গৈ আছে। একেটা দৃশ্যই দেখা গ’ল টিজাৰ ভিডিঅ’টোত। পটভূমিত বন্দেমাতৰমৰ শব্দবোৰ বাজি আছে। ছবিখনৰ চিত্ৰনাট্য ৰচনা কৰিছে ভি বিজয়েন্দ্ৰ প্ৰসাদে। ছবিখনৰ ঘোষণাৰ সময়ত তেওঁ কৈছিল, ‘সুজয়ে যেতিয়া মোক এই ছবিখনৰ বাবে অনুৰোধ কৰিছিল, তেতিয়া মই অলপ আচৰিত হৈছিলো। বহু বছৰৰ আগতে এই কিতাপখন পঢ়িছিলোঁ। সঁচা কথা ক’বলৈ গ’লে মই অনুভৱ কৰিলোঁ যে বৰ্তমানৰ প্ৰজন্মই হয়তো কোনো ধৰণে নিজৰ কাহিনীভাগৰ সৈতে সংযোগ স্থাপন কৰিব নোৱাৰিব। কিন্তু ৰামকমলক লগ পোৱাৰ পিছত বুজিলোঁ যে ছবিখনৰ প্ৰতি তেওঁৰ দৃষ্টিভংগী বেলেগ। মই একমত মোৰ বাবে ই নিশ্চিতভাৱে এক প্ৰত্যাহ্বান।'' অহা অক্টোবৰৰ পৰা আৰম্ভ হ’ব শ্বুটিং।