গুৰুজনাৰ তিৰোভাৱ তিথি উপলক্ষে বৰপেটা সত্ৰত পোন প্ৰথমবাৰৰ বাবে উপস্থিত হয় কেন্দ্ৰীয় মন্ত্ৰী কিৰেণ ৰিজিজু

গুৱাহাটী,২৯ আগষ্ট:আজি জগতগৰু শ্ৰীমন্ত শংকৰদেৱৰ ৫৭৪ সংখ্যক তিৰোভাৱ তিথি । হৰি নাম ধ্বনিৰে মুখৰিত ৰাজ্যৰ সমূহ সত্ৰ নামঘৰ ৷ পুৱাৰে পৰা ৰাজ্যজুৰি বিৰাজ কৰিছে আধ্যাত্মিক পৰিৱেশে ৷ এইবাৰ গুৰুজনাৰ তিৰোভাৱ তিথি উপলক্ষে বিভিন্ন সত্ৰ, নামঘৰত দেখিবলৈ পোৱা গৈছে বিভিন্ন ৰাজনৈতিক দলসমূহৰ নেতা, মন্ত্ৰী, বিধায়ক সকলকো ৷

গুৰুজনাৰ তিৰোভাৱ তিথি উপলক্ষে বৰপেটা সত্ৰত পোন প্ৰথমবাৰৰ বাবে উপস্থিত হয় কেন্দ্ৰীয় মন্ত্ৰী কিৰেণ ৰিজিজু ৷ শ্ৰীমন্ত শংকৰদেৱৰ তিৰোভাৱ তিথিৰ দিনটোত বৰপেটা সত্ৰত পদাৰ্পণ কৰি মন্ত্ৰীগৰাকীয়ে গুৰু আসনৰ সন্মুখত আঁঠু লয় ৷ সাংবাদিকৰে হোৱা মত বিনিময়ত বৰপেটা সত্ৰ দৰ্শন কৰি আশিস ধন্য হোৱা বুলি মন্তব্য কৰে কিৰেণ ৰিজিজুৱে ৷ লগতে বৰপেটা সত্ৰৰ আশিস লৈ নিজৰ লগতে দেশ আৰু ৰাজ্যবাসীৰ মংগল কামনা কৰে মন্ত্ৰীগৰাকীয়ে ৷