অৱশেষত দিশাৰ সৈতে থকা সম্পর্ক সন্দৰ্ভত নীৰৱতা ভংগ কৰিলে টাইগাৰ শ্ৰফে

গুৱাহাটী, ১ ছেপ্টেম্বৰঃ বলীউডৰ একচন তাৰকা টাইগাৰ শ্ৰফে শেহতীয়াকৈ জনপ্ৰিয় চেট শ্ব' 'কফি উইথ কৰণ'ৰ নৱম খণ্ডটোত উপস্থিত হয় আৰু দিশা পাটানিৰ সৈতে তেওঁৰ সম্পৰ্ক সন্দৰ্ভত বহুটো কথা ব্যক্ত কৰে। দুয়োজনে কেইবছৰমানৰ পৰা ডেটিং কৰি আছে বুলি উৰাবাতৰি ওলাই আছিল, কিন্তু শেহতীয়া খণ্ডটোত, টাইগাৰে দিশাক তেওঁৰ "বন্ধু" বুলি কৈছে আৰু লগতে তেওঁ অবিবাহিত বুলিও কৈছে। 

যেতিয়া কৰণে টাইগাৰক দিশাৰ সৈতে ডেটিং কৰি থকা সন্দৰ্ভত কিছু প্রশ্ন কৰিছিল, তেতিয়া তাৰকাগৰাকীয়ে এইদৰে কৈছিল যে, "মই সদায়ৰ দৰেই তেওঁক বহুত ভাল বন্ধু হিচাপে ভাবো।" ইয়াৰ উত্তৰত কৰণে এইদৰে কৈছিল, "আপুনি এই বন্ধুৰ শাৰীটো আৰু ব্যৱহাৰ কৰিব নোৱাৰে, টাইগাৰ। আপুনি বাস্তিয়ানক আটাইতকৈ হ'ট ৰেষ্টুৰেণ্ট হিচাপে গঢ়ি তুলিছিল কিয়নো প্ৰতি দেওবাৰে আমি আপোনালোক দুয়োকে তাত দেখিছিলো, 'এইটো এটা ৰুটিনৰ দৰে হৈ পৰিছিল।" দৰাচলতে, টাইগাৰ আৰু দিশা প্ৰতি দেওবাৰে বাস্তিয়ানত থাকে আৰু কৰণে তাকে টাইগাৰক ধেমালীৰ চলেৰে কৈছিল। 

নিৰুৎসাহিত হৈ টাইগাৰে দৃঢ়তাৰে এইদৰে কৈছিল যে, "আমি একে খাদ্য খাবলৈ ভাল পাওঁ। হয়তো সেইকাৰণে আমি একেলগে সেই ৰেষ্টুৰেণ্টখনলৈ যাওঁ।"

ইয়াৰ পিছত দুয়োৰে ব্ৰেকআপৰ উৰাবাতৰিৰ বিষয়ে মন্তব্য কৰি টাইগাৰে কয় যে, "ঠিক আছে, সকলোৰে ওপৰত বহু দিন ধৰি অনুমান চলি আছে যে আমি সম্পৰ্কত আছো আৰু আমি সদায় সম্পর্ক বজাই ৰাখিছো। দৰাচলতে, আমি দুয়ো অতি ঘনিষ্ঠ বন্ধু আৰু সেইটোৱেই সত্য।"

শেষত কৰণে টাইগাৰক সুধিছিল যে, "আপুনি এতিয়া অবিবাহিত নেকি? তেতিয়া টাইগাৰে উত্তৰ দিছিল, "হয়, মই এনেকুৱাই ভাবো।"