আন্তঃৰাষ্ট্ৰীয় দবা চেম্পিয়নশ্বিপত অংশগ্ৰহণ কৰিব নৈনী আৰু পুনে চেণ্ট্ৰেল জেলৰ কয়দীয়ে

গুৱাহাটী,১৩ অক্টোবৰ:গ্ৰেণ্ডমাষ্টাৰ অভিজিৎ কুণ্টেৰ তত্বাৱধানত প্ৰশিক্ষন গ্ৰহন কৰা নৈনী কেন্দ্ৰীয় কাৰাগাৰৰ বন্দীসকলে এতিয়া আন্তঃৰাষ্ট্ৰীয় দবা চেম্পিয়নশ্বিপত অংশগ্ৰহণ কৰিব।বিশ্ব দবা ফেডাৰেচনে অনুষ্ঠিত কৰা এই প্ৰতিযোগিতাত দেশক প্ৰতিনিধিত্ব কৰিব নৈনী আৰু পুনে চেণ্ট্ৰেল জেলৰ কয়দীয়ে।

নৈনী কেন্দ্ৰীয় কাৰাগাৰৰ জ্যেষ্ঠ অধীক্ষক পি.এন. পাণ্ডে, কয় যে বিশ্বব্যাপী জনপ্ৰিয় এই প্ৰতিযোগিতাত ৪২ খন দেশৰ ৮৫ টা দলে অংশগ্ৰহণ কৰিছে।প্ৰতিযোগিতাখনৰ প্ৰাৰম্ভিক পৰ্যায়ত ভাৰতৰ বিভিন্ন ৰাজ্যৰ ২০ টা জেলে ইটোৱে সিটোৰ বিৰুদ্ধে খেল খেলাৰ পিছত এই দুয়োখন কাৰাগাৰৰ পৰা বন্দীসকলক বাছনি কৰা হয়।অষ্ট্ৰেলিয়া আৰু এছিয়াৰ অন্যান্য দেশৰ জেলত নিজৰ সমকক্ষ দলৰ বিৰুদ্ধে খেলিব নৈনী আৰু পুনে দলে।