আগৰতলা আৰু বাংলাদেশৰ আখাউৰা সংযোগী ৰে'ল পথ নিৰ্মাণৰ কাম প্ৰায় সম্পূৰ্ণ

গুৱাহাটী,১২ অক্টোবৰ:অহা ৪-৫ মাহৰ ভিতৰত সম্পূৰ্ণ হ'ব আগৰতলা আৰু বাংলাদেশৰ আখাউৰা সংযোগী ৰে'ল পথ নিৰ্মাণৰ কাম । অত্যাধুনিকভাৱে সজোৱা হ'ব আগৰতলা ৰে'ল ষ্টেচন । এই ঘোষণা উত্তৰ-পূব সীমান্ত ৰে'লৱেৰ লামডিং বিভাগৰ বিভাগীয় ৰে'ল প্ৰৱন্ধক যোগেন্দ্ৰ সিং লাখৰাৰ ।

লাখৰাৰ উদ্ধৃতিৰে এনএফআৰৰ এক প্ৰেছ বিজ্ঞপ্তিত কোৱা হৈছে যে ত্ৰিপুৰাৰ জনসাধাৰণক অত্যাধুনিক ৰে'ল সেৱা প্ৰদানৰ বাবে ভাৰতীয় ৰে'লৱেই নিৰন্তৰ চেষ্টা অব্যাহত ৰাখিছে । ৰাজ্যখনৰ নাগৰিক সকল ৰে'লৱেৰ ওপৰত যথেষ্ট নিৰ্ভৰশীল ।বিগত কেইবছৰমানত ৰে'লৱেই ত্ৰিপুৰাত ৰে'ল পথ আৰু ষ্টেচনৰ আন্তঃগাঁথনি উন্নত কৰাৰ ওপৰত গুৰুত্ব আৰোপ কৰিছে । অঞ্চলটোলৈ বিভিন্ন সামগ্ৰীৰ আমদানি আৰু ৰপ্তানি বৃদ্ধি কৰাৰ লগতে ষ্টেচন আৰু ৰে'লসমূহত মূল্য সংযোজন সেৱা প্ৰদান কৰা হৈছে ।