গুৱাহাটী,১৯ অক্টোবৰ:গাজিয়াবাদত দিল্লীৰ এগৰাকী মহিলাক অপহৰণ কৰি পাঁচজন লোকে দুদিন ধৰি দলবদ্ধ ধৰ্ষণ কৰে । ৰাষ্ট্ৰীয় ৰাজধানীৰ নন্দ নাগ্ৰী অঞ্চলৰ বাসিন্দা ৩৮ বছৰীয়ামহিলা গৰাকীয়ে চিকিৎসালয়ত জীৱন মৃত্যুৰ সৈতে যুঁজি আছে । গাজিয়াবাদ চহৰৰ আৰক্ষী অধীক্ষক নিপুন আগৰৱালাই কয় যে, ‘মঙলবাৰে পথত পৰি থকা এগৰাকী মহিলাৰ সন্দৰ্ভত তথ্য লাভ কৰাৰ পিছত আৰক্ষীৰ দল এটাই ততাতৈয়াকৈ সেই স্থানত উপস্থিত হয় আৰু তেওঁক চিকিৎসাৰ বাবে চিকিৎসালয়লৈ লৈ যোৱা হয় ।"

তেওঁ লগতে কয়,"পিছত ভুক্তভোগী মহিলাগৰাকীয়ে আৰক্ষীক জনাইছিল যে তেওঁ আগদিনা গাজিয়াবাদলৈ আহিছিল তেওঁৰ ভাতৃৰ জন্মদিনৰ পাৰ্টিত অংশগ্ৰহণ কৰিবলৈ। পাৰ্টিৰ পিছত যেতিয়া তেওঁ অটো-ৰিক্সা এখন লৈ যাবলৈ অপেক্ষা কৰি আছিল, তেতিয়া তেওঁৰ চিনাকি পাঁচজন লোকে তেওঁক অপহৰণ কৰিছিল।"আৰক্ষী অধীক্ষক গৰাকীৰ ভাতৃয়ে দিয়া এক বিবৃতিৰ ভিত্তিত গোচৰ ৰুজু কৰা হৈছে বুলি জানিবলৈ দিয়ে আৰক্ষী অধীক্ষক গৰাকীয়ে।

ইফালে, দিল্লী মহিলা আয়োগে ঘটনাৰ সবিশেষ জানিবলৈ এছ এছ পি গাজিয়াবাদলৈ জাননী প্ৰেৰণ কৰিছে।"ডিচিডব্লিউৰ মুৰব্বী স্বাতি মালিৱালে কয়,"ঘটনাটো অতি ভয়ংকৰ আৰু নিৰ্ভয়া গোচৰৰ কথা মনত পেলাই দিয়ে। এগৰাকী ভদ্ৰমহিলাক অপহৰণ কৰি নৃশংসভাৱে গেংৰেপ কৰা হৈছিল। তেওঁৰ ভিতৰত এটা ৰড সুমুৱাই দিয়া হৈছিল, এইবোৰ বৰ দুখজনক ।আমি গাজিয়াবাদ আৰক্ষীক জাননী জাৰি কৰিছো। সকলো অভিযুক্তক তৎক্ষণাত গ্ৰেপ্তাৰ কৰিব লাগিব আৰু তেওঁলোকৰ বিৰুদ্ধে কঠোৰ ব্যৱস্থা গ্ৰহণ কৰিব লাগিব।"