ব্ৰিটেইনৰ প্ৰধানমন্ত্ৰী লিজ ট্ৰাছৰ পদত্যাগ

গুৱাহাটী,২০ অক্টোবৰ:বৃহস্পতিবাৰে ব্ৰিটেইনৰ প্ৰধানমন্ত্ৰী লিজ ট্ৰাছে প্ৰধান মন্ত্ৰী পদৰ পৰা পদত্যাগ কৰাৰ কথা ঘোষণা কৰি তেওঁ ব্ৰিটেইনৰ ইতিহাসত আটাইতকৈ কম সময়ৰ বাবে কাৰ্যনিৰ্বাহ কৰা প্ৰধানমন্ত্ৰী হিচাপে পৰিগণিত হৈছে। ডাউনিং ষ্ট্ৰীটৰ বাহিৰৰ পৰা দিয়া ভাষণত তেওঁ কয় যে তেওঁ ইতিমধ্যে তেওঁৰ পদত্যাগৰ বিষয়ে ৰজাৰ সৈতে কথা পাতিছে আৰু লগতে নিশ্চিত কৰিছে যে তেওঁ উত্তৰাধিকাৰী নিৰ্বাচিত নোহোৱালৈকে পিএম হৈ থাকিব।

তেওঁ লগতে কয়,"মই ডাঙৰ অৰ্থনৈতিক আৰু আন্তঃৰাষ্ট্ৰীয় অস্থিৰতাৰ সময়ত কাৰ্যভাৰ গ্ৰহণ কৰিছিলো। পৰিয়াল আৰু ব্যৱসায়ীসকলে নিজৰ বিল কেনেকৈ পৰিশোধ কৰিব লাগে সেই লৈ চিন্তিত আছিল, ইউক্ৰেইনত পুটিনৰ অবৈধ যুদ্ধই আমাৰ সমগ্ৰ মহাদেশৰ নিৰাপত্তাৰ প্ৰতি ভাবুকি কঢ়িয়াই আনিছে আৰু আমাৰ দেশখনে বহুদিন পিছুৱাই গৈছে ।"