৩৪ বছৰ গৰকিলে কিং ক'হলীয়ে, মেক্সৱেল, দাহানিৰ হিয়াভৰা শুভেচ্ছা

গুৱাহাটী, ৫ নৱেম্বৰঃ টীম ইণ্ডিয়াৰ দুৰ্দান্ত ক্ৰিকেটাৰ তথা কিং ক'হলী নামেৰে খ্যাত বিৰাট ক'হলীয়ে ৫ নৱেম্বৰ ২০২২ তাৰিখে ৩৪ বছৰ বয়সত ভৰি দিয়ে, ইয়াৰ লগতে সমগ্র বিশ্বৰ অনুৰাগী সহ তাৰকাসকলেও ক্ৰিকেটাৰ গৰাকীক শুভেচ্ছা জ্ঞাপন কৰিছে। বিৰাটৰ জন্মদিনৰ এদিন আগতে, অষ্ট্ৰেলিয়াৰ অলৰাউণ্ডাৰ গ্লেন মেক্সৱেলে লাইভ টিভিত ক'হলীৰ বাবে এটা হৃদয়স্পৰ্শী বাৰ্তা প্ৰেৰণ কৰিছে। মেক্সৱেলে বাৰ্তাটোত কৈছে যে, "হয়, কাইলৈ (অৰ্থাৎ ৫ নৱেম্বৰ তাৰিখ), মই কেৱল মোৰ এজন ভাল বন্ধু বিৰাট ক'হলীক জন্মদিনৰ শুভেচ্ছা জনাব বিচাৰো। আশা কৰোঁ তেওঁৰ দিনটো ভাল হ'ব। মই যিকোনো ধৰণে আপোনালৈ এটা বাৰ্তা প্ৰেৰণ কৰিম। জন্মদিনটো উপভোগ কৰক, বন্ধু।"

ইপিনে, পাকিস্তানৰ পেচাৰ শ্বাহনাৱাজ দাহানীয়ে তেওঁৰ অফিচিয়েল টুইটাৰ প্ৰফাইললৈ গৈ লিখিছে, "জন্মদিনৰ শুভেচ্ছা 'GOAT'। ক্ৰিকেটক আটাইতকৈ ধুনীয়া কৰি তোলা খেলুৱৈজনক শুভেচ্ছা জনোৱাৰ বাবে ৫ নৱেম্বৰৰ বাবে অপেক্ষা কৰিব নোৱাৰিলো। #GOAT @imVkohli হেপ্পী বাৰ্থডে। আপোনাৰ দিনটো উপভোগ কৰক ভাই আৰু বিশ্বক মনোৰঞ্জন কৰি থাকক।"